ਚੱਲ ਆ ਜਾ ਖੇਡੀਏ ਪੋਸ਼ਣ ਪਾ

 ਚੱਲ ਆ ਜਾ ਖੇਡੀਏ ਪੋਸ਼ਣ ਪਾ,

ਪੇਪਰ ਤਾਂ ਫਿਰ ਲੀਕ ਹੋ ਗਿਆ,

ਚੱਲ ਛੱਡ ਪੜਾਈ ਲਿਖਾਈ ਚੁੱਲੇ ਪਾ,

ਗ਼ਲਤ ਹੋ ਗਿਆ ਠੀਕ ਹੋ ਗਿਆ,

ਵੋਟਾਂ ਖਾਤਰ ਸੀਟਾਂ ਵੇਚ ਸਿੱਟੀਆਂ ਨੇ,

ਜਾਤਾਂ ਪਾਤਾਂ ਦੇ ਵਿਚ ਵੰਡ ਦਿੱਤੀਆਂ ਨੇ,

ਬਚੀਆਂ ਤੇ ਵੀ ਨਹੀਂ ਆ ਸਕਦਾ ਆਪਣਾ ਨਾ,

ਆਹ ਨੇਤਾ ਜੀ ਦਾ ਚਸ਼ਮਾ ਲਾ,

ਚੱਲ ਆ ਜਾ ਖੇਡੀਏ ਪੋਸ਼ਣ ਪਾ!

ਕਾਹਤੋਂ ਐਵੇਂ ਦਿੱਲੀ ਜਾਣਾ ਆ,

ਕਾਹਤੋਂ ਐਵੇਂ ਧਾਰਨਾ ਲਾਣਾ ਆ,

ਹੱਡ ਸੇਕ ਦਉ, ਅੱਖਾਂ ਛੇਕ ਦਉ ਪੁਲਸ,

ਆਪਣੀ ਕੀਹਨੇ ਓਥੇ ਸੁਣਨੀ ਆ,

ਲੰਗਦੇ ਦਿਨ ਜਿਵੇਂ ਲਈਏ ਲੰਗਾ,

ਚੱਲ ਆ ਜਾ ਖੇਡੀਏ ਪੋਸ਼ਣ ਪਾ!

ਚੱਲ ਆਪਾਂ ਕੀਤੇ ਬਾਹਰ ਨੂੰ ਚੱਲੀਏ,

ਅਮਰੀਕਾ, ਕੈਨੇਡਾ, ਆਸਟ੍ਰੇਲੀਆ 

ਦੀ ਐਮਬੈਸੀ ਨੂੰ ਅਰਜ਼ੀ ਘੱਲੀਏ,

ਚੱਲ ਜਿੰਨੀ ਚਿੱਕਰ ਵੀਜ਼ਾ ਆਉਂਦਾ ਹੈ,

ਓਹਨੀ ਦੇਰ ਲਈ ਮੌਜ ਉਡਾ,

ਚੱਲ ਆ ਜਾ ਖੇਡੀਏ ਪੋਸ਼ਣ ਪਾ!

ਹੱਡ ਆਪਣੇ ਐਥੇ ਵੀ ਘਸਨੇ ਆ,

ਹੱਥ ਆਪਣੇ ਓਥੇ ਵੀ ਜਾ ਦੁਖਣੇ ਆ,

ਦੋਨੋ ਪਾਸੇ ਹੀ ਹੋਣੀ ਹੈ ਮੁਰੰਮਤ,

ਚੱਲ ਮੱਥੇ ਦੀਆਂ ਨਾੜਾਂ ਲਈਏ ਬਚਾ,

ਚੱਲ ਆ ਜਾ ਖੇਡੀਏ ਪੋਸ਼ਣ ਪਾ!