Imaan

Roya raat bhar ikk shaksh baith beech kabristaan,
maine pooch liyaa jaa ke miaan kiski gayi hai jaan,
to kaha usne roti khareed khaaya hoon bech ke imaan.

Bewajah sakhtiyaan kartaa hoon dil par

Bewajah sakhtiyaan kartaa hoon dil par,
jaane kyon tujhse hi door rehta hoon,
jabke khush rehta hoon tujhse milkar.

Har raat tum mere sapno mein ho,
maangta hoon har duaa tum mere apno mein ho,
phir na jaane kabhi kabhi kya ho jaata,
keh deta hoon itne kareeb naa aao dilbar,
Bewajah sakhtiyaan kartaa hoon dil par...

badi ajeeb si har ghadi rehti kashmkash hai,
sochtaa hoon tere baare mein dil pe na rehta bas hai,
par phir agle hi pal par peeche kheeck leta hoon,
door tujhse tujhse hi jaise dar kar,
Bewajah sakhtiyaan kartaa hoon dil par...

Ye meri chaahat sach badi hi ajeeb hai,
hona chaahe door jiske rehna chahta kareeb hai,
shaayd mujhe kahin ye dar jiyunga kaise,
tum jo chale gaye chod mujhe kabhi rooth kar,
Bewajah sakhtiyaan kartaa hoon dil par..

Tere andar hi koi taar laggda hai hil gayi

Hai suraj ajj lagg riha bhujeya bhujeya,
kise di yaad ch baithaa jivein udaasa koi,

hai hawa chal rahi par chaal ch rwaani nahin,
rooh sassi di jivein hove bhatak rahi,

hai rukh ne khade par ne lagg rahe udaas bade,
sadhar koi ehna di adhoori laggdi mar gayi,

gaya saagar de kande lehraan ch josh hi nahin,
jivein kise haadse magron chadd jaanda shareer koi,

khlooya ikk jagah jaapeya dharti vi kamb rahi,
laggeya sikiaan bhar bhar ke jivein hove ro rahi,

par puccheya main lokaan ke koi gall hai hoyi,
kaaynat te koi aafat hai aan payi,

taan lokaan kihaa kaaynat de sab ansh ne sahi,
tere andar hi koi taar laggda hai hil gayi.

Jab saans takk apni akkhir saath na deti hai

Zindgi jeete ji roj imtihaan leti hai,
jab karlo sab paar phir jaan le leti hai,
kya gila agar koi ho gaya bewafa to,
jab saans takk apni akkhir saath na deti hai.

Doordarshan

On Doordarshan only there is some DARSHAN,
on rest of the channels it is just PARDARSHAN.

Chalo ek baar phir se hum ajnabi ho jaayein

Chalo ek baar phir se hum ajnabi ho jaayein,
hum mein hai rishtaa koi hum ye bhool jaayein,
mile jo hum kabhi kahin beech raste mein,
ajnabiyon ki hi tarah muskuraa ke nikal jaayein,
Chalo ek baar phir se hum ajnabi ho jaayein....

Abhi takk jo sab kuch ghata theek hi gata hai,
tumhe staaya ho aisi maine kabhi na ki khata hai,
chalo sab haseen yaadon ko ab samet lein,
aur un yaadon ko hi zindgi ka aasra bnaayein,
Chalo ek baar phir se hum ajnabi ho jaayein....
     
Main to apne aap se hi khafa khafa rehta hoon,
khud ka na ho paaya hoon tumhe kya de sakta hoon,
main nahin chaahta tum bhi meri tarah udaas ho jaao,
meri kismaat ke kaali chaaya tum pe bhi gehra jaaye,
Chalo ek baar phir se hum ajnabi ho jaayein....

Ek Katra

Tumne shaayad ye chaaha ya naa chaaha ho,
kanoon ki kisi kitaab mein ye shaayad jurm hi ho,

par maine tumko tumse thodaa sa churaa liya hai,
saagar kaa ek katraa kahin maine chupaa liya hai,

ab jisko bhi tumhe kabhi puraa paana hoga,
use wo ek katraa mujhse maange ke liye aana hoga,

nahin to tumhe paakar bhi use kuch adhhora sa lagega,
tumhaari aankhon ke neel samndar mein ek katraa kam lagega,

aur tumhe use us katre kaa raaj btaana padega,
warna samandar paa ke bhi woh pyaasa hi rahega.