ਸੁਫ਼ਨੇ

ਕੀ ਦੋਸ਼ ਕਿਸੇ ਨੂੰ ਦੇਈਏ,
ਕਿਓਂ ਕਹੀਏ ਸਾਜਿਸ਼ ਹੋਯੀ,
ਗ਼ਲਤੀ ਤਾਂ ਆਪਣੀ ਹੀ ਸੀ,
ਜੋ ਸੁਫ਼ਨੇ ਦੀ ਰਾਖੀ ਨਾ ਕੀਤੋਈ,

ਸੁਫਨਾ ਅੱਖ ਚ ਸੀ ਤਾਂ,
ਦੁਨੀਆਂ ਰੰਗ ਬਰੰਗੀ ਲੱਗਦੀ,
ਲੀਰਾਂ ਚ ਵੀ ਸੀ ਜੇ ਫਿਰਦੇ,
ਨਾ ਦੇਹ ਠਰਦੀ ਨਾ ਧੁੱਪ ਲੱਗਦੀ,

ਸੁਫ਼ਨੇ ਨੂੰ ਜੇ ਸੋਚਦੇ,
ਇੱਕ ਖੁਮਾਰੀ ਜੀ ਚੜਦੀ,
ਸੁਫ਼ਨੇ ਦਾ ਜੇ ਪੂਰਾ ਹੋਣਾ ਲੋਚਦੇ,
ਹਰ ਸੂਲ ਪਿਆਰੀ ਲੱਗਦੀ,

ਪਰ ਪਤਾ ਨੀ ਕਿੱਥੋਂ ਵਹਿਮ ਪੈ ਗਿਆ,
ਜਾਂ ਖੋਰੇ ਕੋਈ ਸੀ ਕਹਿ ਗਿਆ,
ਸੁਫ਼ਨੇ ਦੇ ਰਸਤੇ ਚ ਬਸ ਖ਼ਾਰਾਂ,
ਇਸ ਰਸਤੇ ਫੁੱਲ ਨਹੀਂ ਕੋਈ,

ਕੇ ਇਸ ਰਸਤੇ ਜਿੰਨੇ ਗਏ,
ਰਾਂਝੇ ਬਣੇ ਮਜਨੁ ਬਣੇ,
ਸੱਸੀ ਵਾਂਙ ਰੇਤ ਰੁਲੇ,
ਪਰ ਪੂਰ ਨਾ ਚੜ੍ਹਿਆ ਕੋਈ,

ਮਿਰਜ਼ੇ ਵਾੰਗੂ ਕਤਲ ਹੋਏ,
ਫ਼ਰਹਾਦ ਵਾਂਗੂ ਫਜ਼ੂਲ ਯਤਨ ਗਏ,
ਸੋਹਣੀ ਵਾਂਙ ਅੱਧ ਵਿੱਚਕਾਰ,
ਦਰਿਆ ਦੇ ਡੁੱਬ ਮੋਏ,
ਪਰ ਪਾਰ ਨਾ ਉੱਤਰਿਆ ਕੋਈ,

ਤੇ ਗੱਲਾਂ ਸੁਣ ਕੇ ਸੋਚ ਕੇ,
ਸ਼ਾਇਦ ਦਿਲ ਡਰ ਗਿਆ ਸੀ,
ਸ਼ਾਇਦ ਸਭ ਨੇ ਸਹੀ ਜਾਂਦੇ,
ਭੁੱਲਿਆ ਹਾਂ ਮੈਂ ਹੀ ਕੋਈ,

ਬਸ ਫਿਰ ਮੈਂ ਸੁਫ਼ਨੇ ਦਾ
ਨਾ ਚਾਉਂਦੇ ਹੋਏ ਵੀ ਹੱਥ ਛੱਡ ਦਿੱਤਾ,
ਜਿਸਮ ਨੂੰ ਓਹਦੀ ਰੂਹ ਤੋਂ,
ਵੱਡ ਕੇ ਅੱਡ ਕਰ ਦਿੱਤਾ,

ਤੇ ਹੁਣ ਕੋਈ ਕੋਈ ਸਾਡੇ ਤੋਂ,
ਸੱੜਦਾ ਹੈ ਹਰਖ ਖਾਂਦਾ ਹੈ,
ਕੋਈ ਸਾਡੇ ਤੋਂ ਮਾਇਆ ਦਾ,
ਮੰਤਰ ਸਿੱਖਣਾ ਚਾਹੰਦਾ ਹੈ,

ਪਰ ਦਿਲ ਜਾਣਦਾ ਕੇ
ਇਸਦੀ ਹਾਲਾਤ ਕਿ ਹੋਇ ਪਈ,

ਕਦੇ ਇਹ ਦਸ਼ਰਥ ਹੈ ਮਹਿਲਾਂ ਦਾ,
ਜਿਸਦਾ ਰਾਮ ਕੋਲ ਨਹੀਂ,
ਤੇ ਕਦੇ ਇਹ ਗੌਤਮ ਹੈ ਰਾਜ ਨਗਰੀ ਦਾ,
ਸੱਚ ਲਈ ਆਤਮਾ ਜੀਹਦੀ ਤੜਫ ਰਹੀ,

ਪਰ ਸ਼ਾਯਦ ਮੇਰੀ ਵੀ ਇਹੀਓ ਲਿਖੀ ਸੀ,
ਜਿਵੇਂ ਸੁਣੀ ਸੀ ਜਿਵੇਂ ਪੜੀ ਸੀ,
ਆਸ਼ਿਕ਼ ਹੋਣਾ, ਦਿਲ ਲਾਉਣਾ,
ਦੋ ਘੜੀ ਦੋ ਪਲ ਕੋਲ ਆਉਂਣਾ,
ਫਿਰ ਕੋਈ ਟੂਣਾ ਹੋਣਾ,
ਅੜਚਨ ਆਉਣੀ, ਵਿਗਣ ਪੈਣੀ,
ਟੁੱਟ ਜਾਣੀ, ਵਿਛੋੜਾ ਪੈਣਾ,
ਬੱਸ ਯਾਦਾਂ ਵਿਚ ਹੀ ਚਾਹੁਣਾ,
ਨਾ ਕਦੇ ਮਿਲਣਾ ਨਾ ਕਦੇ ਮਿਲਾਉਣਾ,
ਤੱਤੇ ਠੰਡੇ ਹੋਂਕੇ ਲੈਣੇ,ਅੱਖੀਆਂ ਭਰਨਾ,
ਰਾਤਾਂ ਨੂੰ ਉੱਠ ਉੱਠ ਰੋਣਾ, ਮਰ ਮਰ ਜਿਓਣਾ!

ਦੂਰ ਦੂਰ ਟਿੱਬਿਆਂ ਤੇ ਰੇਤ ਉੱਡਦੀ

ਦੂਰ ਦੂਰ ਟਿੱਬਿਆਂ ਤੇ ਰੇਤ ਉੱਡਦੀ,
ਮੇਰੇ ਨਾਲ ਗੱਲਾਂ ਕਰਦੀ,
ਮੈਨੂੰ ਸਵਾਲ ਪੁੱਛਦੀ,

ਦੱਸ ਖਾਂ,
ਕਿੱਥੋਂ ਆਏ? ਕਿੱਥੇ ਜਾਣਾ?

ਜੇ ਕਦੇ ਵਾਵਰੋਲਿਆਂ ਚ
ਫੱਸ ਜਾਂਦੀ, ਘੁੰਮਦੀ ਪੁੱਛਦੀ,
ਦੱਸ ਕਿਓਂ ਘੁੱਮਦੇ?
ਦੱਸ ਕੌਣ ਘੁਮਾਉਂਦਾ?

ਦੱਸ ਕਿਓਂ ਸੜੀਏ ਧੁੱਪ ਚ,
ਦੱਸ ਕਿਓਂ ਰਹੀਏ,
ਤਿਹਾਏ ਦੁੱਖ ਚ?

ਦੱਸ ਕਿਓਂ ਇੱਕ ਵੀ,
ਰੁੱਖ ਨਾ ਦਾ ਪੁੱਤ,
ਜੰਮ ਸਕੀਏ ਨਾ ਕੁੱਖ ਚ?

ਦੱਸ ਦੋਸ਼ ਸਾਡਾ ਹੈ ਕੀ,
ਦੱਸ ਕਿਓਂ ਸਾਡੇ ਤੇ,
ਝੁੰਡ ਗਿਰਦਾਂ ਦੇ ਮੰਡਰਾਉਣ?
ਦੱਸ ਕਿਓਂ ਸਾਡੇ ਵੇਹੜੇ,
ਪੰਛੀ ਗੀਤ ਨਾ ਗਾਉਣ?

ਤੇ ਮੈਂ ਆਖਿਆ,
ਕੀ ਤੈਨੂੰ ਜਵਾਬ ਮੈਂ ਦਵਾਂ,
ਬੱਸ ਮੰਨ ਓਹਦਾ ਭਾਣਾ,
ਇਹੀ ਮੈਂ ਕਹਾਂ,

ਮਨ ਨੂੰ ਜੋਗੀ ਕਰ ਲੈ,
ਜੇਠ ਦੀ ਲੂ ਵੀ ਲਗਦੀ ਫਿਰ,
ਪੂਰੇ ਦੀ ਵਾ,

ਪੁੱਤਾਂ ਵਾਲੀਆਂ ਦੇ ਪੁੱਤ,
ਉੱਠ ਜਾਂਦੇ ਨੇ ਜਦੋਂ ਪਰਦੇਸ,
ਉਹ ਦੁੱਖ ਦਾ ਤੈਨੂੰ
ਦਰਦ ਤਾਂ ਨਾ,
ਪਾਲਿਆ, ਪਲੋਸਿਆ,
ਛਾਤੀ ਦਾ ਲਹੂ ਪਿਆਯਾ,
ਮੁੜਕੇ ਬੁਜਦੇ ਦੀਦਿਆਂ ਨੂੰ,
ਆਵੇ ਨਜ਼ਰੀਂ ਨਾ,

ਤੇ ਭਾਗਾਂ ਵਾਲੀ ਏ,
ਜਿਹੜਾ ਤੇਰਾ ਬਿਨ,
ਪਾਣੀਆਂ ਵੀ ਸਰਦਾ,
ਇਹ ਤੋੜ ਹੀ ਤਾਂ,
ਰੱਬ ਨਾਲੋਂ ਤੋੜਦੀ ਆ,

ਇਹ ਤੇਰੀ ਬਖਸ਼ਿਸ਼ ਹੈ,
ਜਿਸ ਨੂੰ ਤੂੰ ਕਿਆਮਤ
ਸਮਝ ਰਹੀ ਹੈਂ,
ਵਿਰਾਣੇ ਭਾਲਦੇ ਨੇ ਲੋਕ
ਦੁਨੀਆਂ ਦੇ ਜੋਗ ਪਾਉਣ ਵਾਸਤੇ,
ਸੱਚ ਮੰਨ ਗੱਲ ਜੋਗੀ ਦੀ,
ਤੇਰੇ ਨਾਲ ਦੀ ਸੁੱਖਲੀ,
ਕੀਤੇ ਹੋਰ ਕੋਈ ਨਹੀਂ ਆ!

ਜੋਗੀਆ ਵੇ ਜੋਗੀਆ

ਜੋਗੀਆ ਵੇ ਜੋਗੀਆ,
ਗਲਤੀ ਤੈਥੋਂ ਹੋਗੀ ਆ,
ਮਾਇਆ ਨਾਲ ਜੋ ਮਨ ਲਾਇਆ,
ਮਾਇਆ ਜੋ ਤੂੰ ਭੋਗੀ ਆ,

ਜੋਗੀਆਂ, ਸਿੱਧਾ, ਨਾਥਾਂ ਦਾ,
ਕੰਮ ਨਹੀਓਂ ਹੁੰਦਾ,
ਦੁਨੀਆਂ ਕਮਾਉਣਾ,
ਦੁਨੀਆਂ ਹੰਢਾਉਣਾ,

ਕੰਮ ਜੋਗੀਆਂ ਦਾ ਤਾਂ
ਹੁੰਦਾ ਬੱਸ ਲਿਵ ਨੂੰ
ਰੱਬ ਨਾਲ ਲਾਉਣਾ,
ਸੱਚ ਨੂੰ ਲੱਭਣਾਂ,
ਰੋਸ਼ਨੀ ਕਰਨੀ, ਚਾਨਣਾ ਫੈਲੋਨਾ,

ਜੋਗੀਆ ਵੇ ਜੋਗੀਆ,
ਗੁਰੂ ਲੱਭ, ਪੀਰ ਧਾਰ ਕੋਈ,
ਬੇੜੀ ਤੇਰੀ ਡੁੱਬਦੀ ਨੂੰ,
ਹੱਥ ਦੇ ਕੇ, ਜਿਹੜਾ ਲਾਵੇ ਪਾਰ ਕੋਈ,

ਵੇਲਾ ਹੱਥੋਂ ਤੇਰੇ ਖੁਸੱਦਾ ਜਾਂਦਾ,
ਲੇਖਾਂ ਕਰਮਾਂ ਦਾ ਵਧਦਾ ਜਾਂਦਾ,
ਕੋਈ ਕਰ ਕੋਸ਼ਿਸ਼ ਕੋਈ ਕਰ ਜਤਨ,
ਰੂਹ ਤੇਰੀ ਗਹਿਣੀ ਕੋਲ ਸ਼ਾਹੂਕਾਰ ਪਈ,

ਮੰਨ ਗੱਲ ਹੁਣ ਦੇਰੀਆਂ ਨਾ ਕਰ,
ਨਹੀਂ ਤਾਂ ਵੇਲਾ ਜਦੋਂ ਆਇਆ ਜਾਣ ਦਾ,
ਫਿਰ ਪਛਤਾਏਂਗਾ, ਫਿਰ ਕੁਰਲਾਏਂਗਾ,
ਕੰਮ ਜਿਹੜਾ ਕਰਨਾ ਸੀ ਕੀਤਾ ਹੀ ਨਹੀਂ!

ਸਾਡਾ ਇਥੇ ਕੌਣ ਹੈ ਤੇਰੇ ਬਿਨ

ਸਾਡਾ ਇਥੇ ਕੌਣ ਹੈ ਤੇਰੇ ਬਿਨ,
ਰਾਤ ਲੰਗਾਈ ਦੀ ਤਾਰੇ ਗਿਣ ਗਿਣ,

ਸਾਡਾ ਇਥੇ ਕੌਣ ਹੈ ਤੇਰੇ ਬਿਨ,
ਅੱਖ ਚੋਂਦੀ ਬਦਲਾਂ ਵਾਂਙ ਕਿਨ-ਮਿਣ-2 ,

ਸਾਡਾ ਇਥੇ ਕੌਣ ਹੈ ਤੇਰੇ ਬਿਨ,
ਪਤਝੜ ਰੁੱਤੇ ਰੁੱਖ ਵਾੰਗੂ ਸੁਕਦੇ ਜਾਈਏ ਦਿਨ-2,

ਸਾਡਾ ਇਥੇ ਕੌਣ ਹੈ ਤੇਰੇ ਬਿਨ,
ਦਿਨ ਪਹਾੜ ਲਗਦਾ ਰਾਤ ਲੱਗਦੀ ਜਿੰਨ,

ਦੇਰੀਆਂ ਨਾ ਪਾ ਛੇਤੀ ਮੁੜ ਆ ਸੱਜਣਾ,
ਸਾਡਾ ਜੀ ਨਹੀਂ ਲੱਗਦਾ ਤੇਰੇ ਬਿਨ! 

Ab zindagi mein sukoon hai

Main aasman mein roj chand ko dekhta thaa,
har sitaara use chahata thaa,
har sitaara use apnaa bnaana chaahta thaa,
har sitaara uska hona chaahta thaa,

mujhe bhi acha lagta thaa,
par maine kabhi chaaha
nahin ke wo mera ho,

mujhe to ikk shajar chaahiye thaa,
jo dhoop mein thodi se chaaon de sake,
jo baarishon mein kuch der ke liye mujhe dhak sake,
jo aandhiyon mein mera haath thaam sake,
mujhe ikk shajar mil gaya hai,
ab zindagi mein sukoon hai.

Out there are already enough shops

Out there are already enough shops,
giving something, taking something,
but when we are together never do like this,

we can afford to not be in business,
let's get rid of this buying and selling,

let everything we give be an offering,
accept everything as a blessing,
and let's vow to never keep a count,
I am very sure it is a path to suffering,

hold not my hand if you don't feel like,
sit and maintain the distance at whatever length you feel like it is comforting,

though I have never kissed, but I can sense this,
touching the lips in reluctance is
worse than poisioning,

love can move a mountain, love can make a stone sing,
let love be our wings, let love be our sail and it's wind,
let's never push each other and ourselves into anything,

Out there are already enough shops...

To the ends of the universe now i can fly

It is a pleasure to see,
every grey tick converting to blue,
and on top of that getting reply too,
I know you love me, you know I love you,

I have walked many a times,
into the love's blissfull street,
but this is the first time,
I am meeting someone in the middle,
because you choose to come forward too,

blessed are my days, blessed are my nights,
in the heavenly abodes I can now enter,
to the ends of the universe now i can fly.