ਸ਼ਾਇਦ ਜੇ ਤੂੰ ਮੇਰੇ ਲਿਖੇ ਲਫ਼ਜ਼ ਪੜ੍ਹ ਲੈਂਦੀ,
ਤੈਨੂੰ ਜਾਣਾ ਔਖਾ ਹੋ ਜਾਂਦਾ,
ਤੇ ਮੈਂ ਤੇਰੀ ਰਾਹ ਰੋਕਣਾ ਨਹੀਂ ਸੀ ਚਾਹੁੰਦਾ।
ਜਾਂ ਸ਼ਾਇਦ ਤੂੰ ਫਿਰ ਵੀ ਇਨਕਾਰ ਕਰ ਦਿੰਦੀ,
ਤੇ ਮੇਰੇ ਲਈ ਹੋਰ ਵੀ ਔਖਾ ਹੋ ਜਾਣਾ ਸੀ।
ਤੇ ਇਸੇ ਕਰਕੇ ਸ਼ਾਇਦ ਮੈਂ ਚੁੱਪ ਹੀ ਰਿਹਾ।
ਜਾਂ ਮੈਂ ਡਰ ਗਿਆ ਸੀ, ਮੁਕੰਮਲ ਹੋਣ ਦੀ
ਬਜਾਏ ਜੋ ਕੁਝ ਬਚ ਸਕਦਾ ਸੀ,
ਉਹਨਾਂ ਕੁ ਬਚਾਉਣਾ ਹੀ ਠੀਕ ਸਮਝਿਆ!
ਹੁਣ ਕਦੇ ਕਦੇ ਲੱਗਦਾ ਵੀ ਹੈ ਕਿ ਕੀ ਕੀਤਾ,
ਖੇਡ ਦੇਣਾ ਸੀ ਜੂਆ, ਦੇਖੀ ਜਾਂਦੀ,
ਜਿੱਤ ਜਾਂਦੇ ਕਾਇਨਾਤ,
ਜਾਂ ਜਾਂਦਾ ਮੇਰਾ ਕਾਇਨਾਤ 'ਚ ਕਿਤੇ ਫੁੱਲ ਤਰਿਆ।
ਪਤਾ ਨਹੀਂ ਕੀ ਸਹੀ ਸੀ—
ਜੋ ਕੀਤਾ,
ਜਾਂ ਜੋ ਨਹੀਂ ਕਰਿਆ!
No comments:
Post a Comment