ਈਸਟ ਇੰਡੀਆ ਕੰਪਨੀ

 ਗੋਰਿਆਂ ਤੋਂ ਚੂਸ ਸਾਡੇ ਹੱਡ ਗਿਆ ਐਂ,

ਸਾਨੂੰ ਨੰਗ-ਧੜੰਗ ਕਰ ਛੱਡ ਗਿਆ ਐਂ,

ਪੂਰੀ ਦੁਨੀਆ ਦੇ ਨਾਲ ਸਾਡਾ ਤਕੜਾ ਵਪਾਰ ਸੀ,

ਥੋਕ ’ਚ ਵਿਕਦੇ ਸੂਤ, ਮਿਰਚ, ਮਸਾਲੇ, ਅਚਾਰ ਸੀ,

ਤੇਰੀ ਕੰਪਨੀ ਆਈ, ਰੱਜ ਸਾਡੇ ’ਤੇ ਰਾਜ ਕੀਤਾ ਏ,

ਸ਼ਿਮਲੇ, ਡਲਹੌਜ਼ੀ ਰਹਿਣ ਦਾ ਬੰਦੋਬਸਤ ਖ਼ਾਸ ਕੀਤਾ ਏ,

ਸਾਡਾ ਕਿਰਤ ਇੰਨੀ ਤੇਰੇ ਕੋਲੋਂ ਹੱਥਾਂ ’ਚ ਚੱਕੀ ਨਹੀਂ ਸੀ ਜਾਂਦੀ,

ਤੂੰ ਰੇਲਾਂ ਚਲਾਈਆਂ ਪੱਤਣਾਂ ਤੀਕ, ਬੱਕੀ ਨਹੀਂ ਸੀ ਜਾਂਦੀ,

ਤੂੰ ਢਾਹ ਮਾਰੇ, ਬੇਈਮਾਨਾ, ਸਾਡੇ ਸਭ ਖੇਤ ਖਲਿਆਨ, 

ਤੂੰ ਲੜਾ ਮਾਰੇ, ਫਾਹ ਮਾਰੇ ਸਾਡੇ ਕਿਰਤੀ ਕੀਮਤੀ ਜਵਾਨ,

ਜਾਂਦੇ ਜਾਂਦੇ ਟੋਟੇ ਹੋਰ ਕਰ ਗਿਆ ਏਂ ਦੇਸ਼ ਦੇ,

ਬੰਨ ਗਿਆ ਐਂ ਮੁੱਢ ਸਦਾ ਲਈ ਕਲੇਸ਼ ਦੇ,

ਕਮਲੀ ਸੀ ਦੁਨੀਆ ਓਦੋਂ ਤੇ ਤੇਰਾ ਵੀ ਕਮਲੇ ਦਾ ਵੇਸ ਸੀ,

ਹਾਲੇ ਤੱਕ ਉਹਦੇ ਖੰਭ ਨੀ ਆਏ, ਸੋਨੇ ਦੀ ਚਿੜੀ ਕਹਾਉਂਦਾ ਜਿਹੜਾ ਦੇਸ਼ ਸੀ!