Haaye kitna utsaah thaa kabhi man mein

Haaye kitna utsaah thaa kabhi man mein,
ki dharti hilaa denge aasman cheer ke nikal jaayenge,
par aaj kitna avishwas aur dar hai man mein,
lagta hai ped se patta bhi naa tod paayenge.

uplabhdiyon ke socha thaa wo shikhar choo denge,
ke chaahne waale khushi se jhoom jaayenge,
par haaye ye lambaa lekha asafltaaon ka,
kahan socha apne aap se apna mooh chupaayenge.

sada sochte the ke fan apne ko traash lenge itna,
log jalwaa e fan ka dekhte reh jaayenge,
par huaa ye hai ke suchi aayi hai nikaale jaane waalon ki,
aur afwaah hai ke agle hum nikaale jaayenge.

ikk waqt thaa jab ikk junnon ikk aag si thi,
bejhijak keh dete the socha hai to karke dikhaayenge,
ikk waqt hai ab ke koi uthaa deta hai swaal to maan lete hain,
kahan kabhi socha thaa man ke deep yoon bujj jaayenge.

Haaye kitna utsaah thaa kabhi man mein,
ki dharti hilaa denge aasman cheer ke nikal jaayenge,
par aaj kitna avishwas aur dar hai man mein,
lagta hai ped se patta bhi naa tod paayenge....