ਹੇ ਰੋਸ਼ਨੀ ਦੇ ਪਿਤਾ, ਹੇ ਐਲਵਾ

ਜਗਮਗ ਜਗਮਗ ਰੋਸ਼ਨੀ 

ਅੱਜ ਜਿੱਥੇ ਵੀ ਜਗਦੀ ਹੈ,

ਸ਼ਾਮ ਨੂੰ, ਰਾਤ ਨੂੰ ਮਹਿਫ਼ਿਲ 

ਜਿਹੜੀ ਕੀਤੇ ਵੀ ਸਜਦੀ ਹੈ,

ਇਹ ਸਭ ਤੇਰੀ ਹੀ ਦੇਣ ਹੈ, 

ਹੇ ਰੋਸ਼ਨੀ ਦੇ ਪਿਤਾ, ਹੇ ਐਲਵਾ!

   

ਤੂੰ ਬੰਦੇ ਨੂੰ ਹਨੇਰਿਆਂ ਚੋਂ ਕੱਢ,

ਚਾਨਣਾਂ ਦੇ ਰਾਹ ਪਾ ਦਿੱਤਾ,

ਤੂੰ ਚੰਨ ਤੇ ਤਾਰਿਆਂ ਨੂੰ ਦੇਖਦੇ,

ਹਰ ਬੰਦੇ ਦੇ ਘਰ ਚਾਨਣ ਪੁਹੰਚਾ ਦਿੱਤਾ,

ਤੂੰ ਰਾਤਾਂ ਨੂੰ ਵੀ ਜੀਣ ਦੇ ਯੋਗ ਬਣਾ ਦਿੱਤਾ,  

ਹੇ ਰੋਸ਼ਨੀ ਦੇ ਪਿਤਾ, ਹੇ ਐਲਵਾ!   

ਰਾਤ ਨੂੰ ਧਰਤੀ ਨੂੰ ਜੱਦ ਤਾਰੇ ਵੇਖਦੇ ਨੇ,

ਨਿੱਕੇ-2 ਲਾਟੂ ਜਗਦੇ ਲੱਖ ਹਜ਼ਾਰ ਏ ਦੇਖਦੇ ਨੇ,

ਤਾਂ ਉਹ ਇੱਕ ਦੂਜੇ ਨੂੰ ਗੱਲਾਂ-2 ਚ ਆਖਦੇ ਨੇ,

ਦੇਖ ਤਾਰਿਆਂ ਧਰਤ ਤੇ ਆਪਣੇ ਭਰਾ ਵਸਦੇ ਨੇ,

ਕੁਦਰਤ ਦੀ ਐਡੀ ਵੱਡੀ ਕਾਇਨਾਤ ਵਿੱਚ, 

ਤੂੰ ਧਰਤੀ ਦਾ ਕਿੱਡਾ ਮਾਨ ਵਧਾ ਦਿੱਤਾ,

ਹੇ ਰੋਸ਼ਨੀ ਦੇ ਪਿਤਾ, ਹੇ ਐਲਵਾ!    

ਖੌਰੇ ਕਿੰਨੇ ਕੁ ਲੋਕ ਤੈਨੂੰ ਅੱਜ

ਦੁਨੀਆਂ ਦੇ ਰੋਜ ਯਾਦ ਕਰਦੇ ਆ,

ਝੂਠੇ ਪੱਥਰਾਂ ਦੇ ਰੱਬ ਨੂੰ ਛੱਡ,

ਤੇਰੀ ਰੋਸ਼ਨੀ ਦੇ ਰਾਹ ਚਲਦੇ ਆ,   

ਪਰ ਮੈਂ ਜਦ ਕੀਤੇ ਵੀ ਬਹਾਂਗਾ,

ਇਸ਼ਟ, ਦੇਵ ਆਪਣਾ ਤੈਨੂੰ ਹੀ ਕਹਾਂਗਾ, 

ਹੇ ਰੋਸ਼ਨੀ ਦੇ ਪਿਤਾ, ਹੇ ਐਲਵਾ!

ਦੱਸੋ ਮੇਰੇ ਮਿਤਰੋ, ਹੁਣ ਆਪਾਂ ਕੀ ਕਰੀਏ

A high level meeting is going on in Apple headquarters regarding the next release of the Iphone. One of the senior executives says this to set the agenda of the meeting.

ਛੋਟਾ ਕਰੀਏ,

ਕੇ ਵੱਡਾ ਕਰੀਏ,

ਪਤਲਾ ਕਰੀਏ,

ਕੇ ਮੋਟਾ ਕਰੀਏ,

ਦੱਸੋ ਮੇਰੇ ਮਿਤਰੋ,

ਹੁਣ ਆਪਾਂ ਕੀ ਕਰੀਏ!

ਕਰਨ ਕਰਾਉਣ ਨੂੰ ਵੈਸੇ,

ਹੁਣ ਕੁੱਝ ਰਹਿ ਨੀ ਗਿਆ,

ਕੱਢਣ ਪਾਉਣ ਨੂੰ ਵੈਸੇ,

ਹੁਣ ਕੁੱਝ ਰਹਿ ਨੀ ਗਿਆ,

ਤੀਜੇ ਚੋਥੇ ਐਡੀਸ਼ਨ ਤੋਂ ਹੀ,

ਵੈਸੇ ਤਾਂ ਓਵੇਂ ਹੀ ਚੱਲ ਰਿਹਾ,

ਪਰ ਫਿਰ ਵੀ ਆਪਾਂ,

ਲੋਕਾਂ ਨੂੰ ਹੁਣ ਕਿਵੇਂ ਵਲੀਏ,

ਦੱਸੋ ਮੇਰੇ ਮਿਤਰੋ,

ਹੁਣ ਆਪਾਂ ਕੀ ਕਰੀਏ!

ਪਿਛਲੇ ਸਾਲ ਤਾਂ ਆਪਾਂ,

ਨਵੇਂ ਰੰਗਾਂ ਵਾਲੇ ਫੋਨ

ਕੱਢ ਕੇ ਬਚ ਗੇ,

ਪਾਗਲ ਲੋਕਾਂ ਨੇ,

ਕਾਲੇ ਅੱਧ ਭਾ ਤੇ ਵੇਚ ਕੇ,

ਲਾਲ ਪੂਰੇ ਮੁੱਲ ਤੇ ਚੱਕ ਲੇ,  

ਹੁਣ ਦੀ ਵਾਰੀ ਆਪਾਂ 

ਜੇਬ ਕਿਵੇਂ ਭਰੀਏ,

ਦੱਸੋ ਮੇਰੇ ਮਿਤਰੋ,

ਹੁਣ ਆਪਾਂ ਕੀ ਕਰੀਏ!

ਧੱਕੇ ਨਾਲ ਲੋਕਾਂ ਦੇ 

ਫੋਨ slow ਨਹੀਂ ਕਰਨੇ,

ਬੜੀ ਬਦਨਾਮੀ ਹੁੰਦੀ ਆ,

ਨਾਲੇ ਜੁਰਮਾਨੇ ਪੈਂਦੇ ਭਰਨੇ,

ਕੋਈ ਹੋਰ ਦੱਸੋ ਹੱਲ,

ਲੋਕਾਂ ਨੂੰ ਕਿਵੇਂ ਕਮਲਾ ਕਰੀਏ,

ਦੱਸੋ ਮੇਰੇ ਮਿਤਰੋ,

ਹੁਣ ਆਪਾਂ ਕੀ ਕਰੀਏ!