Humse naa ho pai baba

Humse naa ho pai baba,
daam bauhat kam,
kaam bauhat e jyaada,
Humse naa ho pai baba...

Jo kaam karne aaye the,
wo to bas ghadi do ghadi,
din bhar idhar udhar ki
daud dhoop hai jyaada,
Humse naa ho pai baba...

Subaah ka apna kraar thaa,
shaam ki kab thi baat hui,
ghar parivaar tum tudvaoge,
bauhat gusse main hai radha,
Humse naa ho pai baba...

khaaye piyein kab ye btaao
jara si ho fursat dete nahin,
weight hai ke ghate jaa riha,
reh jaayenge lagtaa hai aadha,
Humse naa ho pai baba...

Din bhar to tenson hai hi,
raaton ko bhi chain nahin,
beech raatri uth jagte hain,
neend mein bhi bane ho baadha,
Humse naa ho pai baba...

Do mausam huae ghar gaye,
pade hain tumhaare hi yahin,
sab roothe roothe hain gaun,
tudvaa ke chodoge sab naata,
Humse naa ho pai baba...