Kitna khush kismat hai samandar

Kitna khush kismat hai samandar,
khud aa gayi saara rasta tai karke nadi,

wo chaand suraj se athkehliaan karta raha,
nadi aayi jhel ke paas uske har traasdi,

usko jara sa bhi ishq mein na badalna pada,
ultaa nadi ne usmein milke mitaayi apni khudi,

na aah bhari raatein, na udaase din, na ginhone
shadyantra, na sunapan usko na sehna pada kuch bhi,

raaste mein ghane jangal, toofan aur aandhiaan,
baand ki bandishein usko na dekhna pada kuch bhi,

Kitna khush kismat hai samandar,
khud aa gayi saara rasta tai karke nadi....