Dosti mein dikhaave ke kaam naa milaa

Dosti mein dikhaave ke kaam naa milaa,
ye duniaadaari jaati hai har cheez ko khaa,
aa rakhein mehfoos isse apna ye dil ka rishta.

Unki sabse jaada yaad kyon na aaye

Unki sabse jaada
yaad kyon na aaye,
unpe dil sabse jaada dil
moh kyon na barsaaye,
unki tarah aur koi meri
fikar bhi to nahin karta,
unki tarah aur koi mera
khyaal bhi to nahin rakhta.

Tabhi kamal prathishta ka sundar khilega

Khol khol ke bacchon ko dekhne do
ghar ka saara saman puraana,
daal lene do aadat inko kuch
se kuch ka kuch hai kaise bnaana,

yahin se seekhenge ye bade hoke
ke dunia kaise badalni hai,
maine ithaas pada hai khojkaaron ka,
jeevit jigyaasa hi un ki janni hai,

matt inke tum aaj aaadhe aao,
matt inke tum raah mein rode atkaao,
chapal buddhi se kya kya karta baalak,
bas harsh aur ullas se dekhte jaao,

matt socho ke gyaan seemat hai,
jo school college mein hi milega,
Is beej ko lene do ye bhi dhoop pani,
tabhi kamal prathishta ka sundar khilega.

Vigyaan mera dharam

Koi dharam ho koi mazhab ho,
sab mein kuch baatein btaa di jaati hain,
agar koi baat pooch lo,
agar koi swaal pooch lo,
na farmaani ki takhti gale mein latkaa di jaati hai,
bauhat dekha bauht saha,

phir aakhir jhunjhlaakar maine
use hi dharam bnaa liya,
jis mein kehte hain khoob socho,
Jis mein kehte hain khoob poocho,
nahin sahi lagta to mat maano,
paigambar galat ho sakte hain,
aur agar tum kuch batlaaoge nayi raah to sab us par chal sakte hain,
granth badal sakte hain,

Kitna accha majhab mera ye,
jis mein sacch badal sakte hain,
naye waqt ke saath nayi raah ghad sakte hain,
meri jeevan dhanya huaa jo mujhe iska saath huaa,
he Vigyaan main to tera daas hua.