ਤੇਰੇ ਵਾੰਗੂ ਯਾਰ ਬਣਨਾ ਹੈ

ਤੇਰੇ ਵਾੰਗੂ ਯਾਰ ਬਣਨਾ ਹੈ,

ਸਾਰਿਆਂ ਨਾਲ ਮੁਹੱਬਤ ਵੀ ਰੱਖਣੀ ਹੈ,

ਆਪਣੇ ਆਪ ਨੂੰ ਸਾਬਿਤ ਵੀ ਕਰਨਾ ਹੈ,

ਅਣਥੱਕ ਮਿਹਨਤ ਹੈ ਕਰਨੀ,

ਪਰ ਜੇ ਕਦੇ ਕਿਸੇ ਨੂੰ ਲੋੜ ਪੈ ਜਾਵੇ,

ਓਹਦੇ ਨਾਲ ਜਾ ਕੇ ਵੀ ਖੜਨਾ ਹੈ,

ਇੱਕਲੇ ਕਾਮਯਾਬ ਤਾਂ ਲੋਕ ਬਥੇਰੇ ਨੇ,

ਪਰ ਕਾਮਯਾਬ ਹੋਣ ਦੇ ਨਾਲ ਨਾਲ,

ਜ਼ਿੰਦਗੀ ਨਾਲ ਇਸ਼ਕ ਵੀ ਕਰਨਾ ਹੈ,

ਜਿਹੜੀਆਂ ਰਾਹਵਾਂ ਤੇ ਆਸ ਨਾ ਹੋਵੇ,

ਓਥੇ ਵੀ ਨਾ ਹੀ ਲੜਨਾ ਨਾ ਹੀ ਖਿਜਨਾ, 

ਬਸ ਚੁੱਪ ਆਪਣਾ ਰਸਤਾ ਬਦਲਣਾ ਹੈ,

ਕੱਦ ਤੱਕ ਸੂਰਜ ਦਾ ਰਾਹ ਰਾਤ ਰੋਕੇਗੀ,

ਰਸਤਾ ਹਨੇਰੇ ਨੂੰ ਆਖਿਰ ਦੇਣਾ ਹੀ ਪੈਣਾ,

ਆਪਣੇ ਆਪ ਨੂੰ ਤਿਆਰ ਏਨਾ ਕਰਨਾ ਹੈ,

ਤੇਰੇ ਵਾੰਗੂ ਯਾਰ ਬਣਨਾ ਹੈ,

ਸਾਰਿਆਂ ਨਾਲ ਮੁਹੱਬਤ ਵੀ ਰੱਖਣੀ ਹੈ,

ਆਪਣੇ ਆਪ ਨੂੰ ਸਾਬਿਤ ਵੀ ਕਰਨਾ ਹੈ!

ਮੈਂ ਆਪਣੀਆਂ ਰਾਹਵਾਂ ਆਪ ਬਣਾ ਲਵਾਂਗਾ

ਮੈਂ ਆਪਣੀਆਂ ਰਾਹਵਾਂ ਆਪ ਬਣਾ ਲਵਾਂਗਾ,

ਮੈਂ ਤੇਰੇ ਕੋਈ ਮੁਥਾਜ ਨਹੀਂ,

ਮੈਂ ਮੁਹੱਬਤਾਂ ਕਿਤੋਂ ਹੋਰ ਪਾ ਲਵਾਂਗਾ, ਫੇਰ ਕੀ ਤੇਰੇ

ਵਫ਼ਾ ਬਦਲੇ ਵਫ਼ਾ ਰਿਵਾਜ਼ ਨਹੀਂ,

ਤੂੰ ਕਿੰਝ ਮੈਨੂੰ ਰੋਕ ਲਵੇਂਗਾ? ਮੈਂ ਵੀ ਸ਼ਾਹੀਨ ਹਾਂ, 

ਖੁੱਲਾ ਹੈ ਪੂਰਾ ਅਕਾਸ਼ ਮੇਰੇ ਲਈ,

ਤੂੰ ਰਾਜੀ ਰਹਿ, ਮੈਂ ਚੁੱਲਾ ਕੀਤੇ ਹੋਰ ਬਾਲ ਲਵਾਂਗਾ,

ਲਾ ਕੇ ਖਾਣ ਦਾ ਜੇ ਤੇਰੇ ਰਿਵਾਜ਼ ਨਹੀਂ,

ਸਦੀਆਂ ਤੋਂ ਮਨੁੱਖ ਲੜਦਾ, ਮਰਦਾ ਆਇਆ ਹੈ,

ਕੀ ਓਹਨੇ ਆਖਿਰ ਖੱਟਿਆ ਹੈ?

ਤੂੰ ਵੀ ਚਲਾ ਕੇ ਦੇਖ ਲੈ ਨੇਜਾ ਆਪਣਾ, ਹੁੰਨਾ

ਤੂੰ ਕਾਮਯਾਬ ਕੇ ਨਹੀਂ,

ਅਸੀਂ ਮਰ ਜਾਵਾਂਗੇ, ਫੁੱਲ ਬਣ ਕੇ ਖਿਲ ਆਵਾਂਗੇ,

ਗੀਤ ਹਵਾ ਨਾਲ ਗਾਵਾਂਗੇ,

ਤੂੰ ਵੀ ਕਦੇ ਦੇਖ ਲੈਅ, ਜੇ ਤੂੰ ਕਿਤੇ ਡਿੱਗ ਪਵੇਂ,  

ਹੈ ਬੰਦੇ ਚਾਰ ਤਿਆਰ ਕੇ ਨਹੀਂ,

ਮੈਂ ਆਪਣੀਆਂ ਰਾਹਵਾਂ ਆਪ ਬਣਾ ਲਵਾਂਗਾ,

ਮੈਂ ਤੇਰੇ ਕੋਈ ਮੁਥਾਜ ਨਹੀਂ,

ਮੈਂ ਮੁਹੱਬਤਾਂ ਕਿਤੋਂ ਹੋਰ ਪਾ ਲਵਾਂਗਾ, ਫੇਰ ਕੀ ਤੇਰੇ

ਵਫ਼ਾ ਬਦਲੇ ਵਫ਼ਾ ਰਿਵਾਜ਼ ਨਹੀਂ!