Phir teri hai ye zameen, Phir tera hai ye aasmaan

Tann ko loha, mann ko chattan,
buddhi ko toofan kar le,
ek jo yeh har pal bhatakta rehta,
ekaagar apna tu dhyaan kar le,

aur tere man mein hai jo raavan,
us par bhi tu vijay karle,
kaam har le, krodh har le,
lobh har le, moh har le,
maya par bhi tu jeet kar le,

phir teri hai ye zameen,
phir tera hai ye aasmaan,
phir nischit teri jeet hai,
phir chaahe tu jo udaan bhar le.

aaj mera man jaane kyon kahe,
is dhar pe har mahan purush ka,
mool mantra yahi raha hoga,
tu bhi isi ka gungaan kar le.

Tann ko loha, mann ko chattan,
buddhi ko toofan kar le,
ek jo yeh har pal bhatakta rehta,
ekaagar apna tu dhyaan kar le....