Thodi rough hai, phir bhi mast hai

Life tough hai,
thodi rough hai,
phir bhi mast hai.

Thoda ye thoda wo,
kabhi yes kabhi no,
kabhi aage kabhi peeche,
kabhi upar kabhi neeche,
haalaat badlte rehte,
kabhi naram kabhi sakht,
par sochein jab kabhi,
to lagtaa hai yahi,
accha guzar gaya waqt,
Life mast hai,
thodi tough hai,
thodi rough hai,
phir bhi mast hai.

Kabhi kabhi ho jaati
hai thodi tension,
kabhi chupaa liya,
kabhi kardi mention,
phir yaaron ke sang,
kuch pal khushi ke,
chal padte jab,
puhaare hasin ke,
lagne lagg jaata phir,
ke sab zabardast hai,
Life mast hai,
thodi tough hai,
thodi rough hai,
phir bhi mast hai.

kabhi mil jaata hai,
sab kuch bin maange hi,
kabhi aata nahin haath kuch,
dam saara lagga ke bhi,
jaise sab kismat ke chakkar,
kabhi good kabhi bad luck,
kabhi century kabhi out for duck,
dil kabhi ro re leta hai,
kabhi lar leta hai adjust,
Life mast hai,
thodi tough hai,
thodi rough hai,
phir bhi mast hai.