ਦੋ ਖੰਭ ਚਿੜੀਏ ਦੇ ਦੇ ਉਧਾਰੇ ਅਸੀਂ ਹੈ ਉੱਡਣਾ ਨੀ

ਦੋ ਖੰਭ ਚਿੜੀਏ ਦੇ ਦੇ ਉਧਾਰੇ ਅਸੀਂ ਹੈ ਉੱਡਣਾ ਨੀ,

ਪਤਨੋ ਦੂਰ ਘਰ ਸੱਜਣਾ ਦਾ ਭਲਕੇ ਹੈ ਪੁੱਜਣਾ ਨੀ,

ਇੱਕ ਸੁਣੀ ਦਾ ਦੁਨੀਆ ਤੇ ਹੈ ਆਲਾ ਦੇਸ਼ ਅਮਰੀਕਾ,

ਜਿੱਥੇ ਦੇ ਲੋਕਾਂ ਨੂੰ ਹੈ ਤਕਨੀਕ ਦਾ ਬੜਾ ਹੀ ਸਲੀਕਾ,

ਮੈਂ ਵੀ ਓਹਨਾਂ ਦੇ ਕੋਲ ਜਾ ਕੰਮ ਦਾ ਹੁਨਰ ਸਿੱਖਣਾ ਈ,

ਦੋ ਖੰਭ ਚਿੜੀਏ ਦੇ ਦੇ ਉਧਾਰੇ ਅਸੀਂ ਹੈ ਉੱਡਣਾ ਨੀ...

ਮੈਂ ਦੇਖ ਕੇ ਆਉਣੇ ਨੇ ਜਾ ਕੇ ਦੇਸ਼ ਯੂਨਾਨ ਤੇ ਮਿਸਰ,

ਸੱਭਿਅਤਾ ਦੇ ਸੀ ਜਿਹੜੇ ਆਪਣੇ ਸਮਿਆਂ ਤੇ ਸਿਖਰ,

ਕਿਓਂ ਹੋਏ ਬਰਬਾਦ ਕੀ ਹੋਈ ਓਹਨਾ ਦੇ ਘਟਨਾ ਸੀ,

ਦੋ ਖੰਭ ਚਿੜੀਏ ਦੇ ਦੇ ਉਧਾਰੇ ਅਸੀਂ ਹੈ ਉੱਡਣਾ ਨੀ...

ਇੱਕ ਦੇਖ ਕੇ ਆਉਣਾ ਮੈਂ ਜਿਹੜੇ ਦੇਸ਼ੋਂ ਬਾਹਰ ਗਏ,

ਓਹ ਕਿਸ ਤਰਾਂ ਕਿੰਨਾ ਹਲਾਤਾਂ ਚ ਵਕਤ ਗੁਜਾਰ ਰਹੇ,

ਕੀ ਖ਼ਾਮੀਆਂ ਕੀ ਖੂਬੀਆਂ ਓਹਨਾ ਤੋਂ ਜਾ ਪੁੱਛਨਾ ਈ,

ਦੋ ਖੰਭ ਚਿੜੀਏ ਦੇ ਦੇ ਉਧਾਰੇ ਅਸੀਂ ਹੈ ਉੱਡਣਾ ਨੀ...